Jaise hi maine law me admission liya mere samne bahut saare challenges the ,kyu ki mujhe pta tha ki yahi sahi mauka hai apne aap ko prove krne ka . Maine bahut mehnat se padhai ki.But jaisa maine socha tha waisa college life tha nahi.Maine decide Kiya tha mai English me aage ki padhai krungi kyu ki maine suna tha English compulsory hai law waalo k liye.lekin college me mere poori hindi me padhai hoti thi.Fir bhi Maine English me hi law kiya .after 3 year I became the gold medalist in law . ye meri zindagi me dusra sbse achha wala moment tha.
Lekin wo kahte hai na log aapka saath bure mauke pr na hi dete hai,achhe din pr itne saare log ho gye mere saath,mujhe bharosa hi nahi ho rha tha.
Jin logo ko mere law krne se objections the sb mujhe full support kr rhe the. Jaise meri to poori duniya hi badal gai ho us mauke pr.
Mujhe kaafi achha feel ho rha tha andr se.
Mai jo kuchh bhi life me achieve krti hu ya ab tk ki hu mujhe lgta hai wo sb meri manifestation ki wajah se huaa hai.
Nahi to mujhe kon hi law krata .
Maine kisi aur cheez ko itne dil se nahi chaha jitna maine law krne ko manifest kiya hai.
Aur aisa bhi nahi hai college me log achhe nahi the padhne me .Bahut saare bache English medium ke the jinki education achhi thi. Sbne mehnat ki hogi. lekin mujhe lgta hai agar mai itna manifest nahi krti to mai aaj shayad yha nahi aa paati.
Aap agar kisi cheez ko hasil Krna chahte hai sbse pahle uske liye apne man ko saaf kariye .usme koi dwesh bhawana nahi hona chahiye kisi ke prati. Sirf apne karmo pr bharosha rakhiye aapko khud saari cheeze milengi jo aap chahte hai.
Bss zindagi me apni kadi mehnat aur achhe vicharo pr bharosha rakhiye aap jrur wo sb achieve krenge jo aapne manifest kiya hai.
Hm sabhi jrur kuchh na kuchh to paana chahte hai zindagi me . Mujhe lgta hai sirf ek hi kami hoti hai hmare me jo hm use achieve nahi kr paate . Hm use paane ki koshish nahi krte. Agar hm poori shradhha se use paane ki koshish me lg jaaye aur chahe kitne hurdles aaye hme tb bhi use paane ke liye apni poori Shakti lgani hai. Wo hme mil hi jaayega. Bss rukana nahi hai apni zindagi me.
Law krte huee meri bahut logo se dosti huii..kuchh achhe dost mile the.maine unke saath khub Masti Kiya.
Teachers kaafi achhe the unhone mujhe kaafi support Kiya. Mai unke liye bahut thankful hu. Unhone mujhe jitna support Kiya wo sb mujhe yha tk laane me meri madad kr rha hai.
Aap sabhi se meri itni request hai agar aap kisi bhi dream ko paana chahte hai to bss uske prati imandar hokr bss mehnat krte chahiye. Hm aksar result ki chinta me mehnat hi nahi krte. Jbki wo hmara kaam nahi hai hme bss mehnat krna hai result to achha aana tay hai. Ho sakta hai thoda late aaye lekin aana to hai.