Jaise jaise mera college poora hone wala tha mere man me ek hi chinta thi ki kahi mujhe ab wapas gaav to nahi jaana padega. Yahi chinta har waqt mujhe pareshan kr rhi thi. Mai bss yahi soch rahi thi kaash koi samadhan hota iska to mai sb theek kr deti .
Fir ek din mujhe khyaal aaya ki mai aage kisi na kisi course me admission le lu jisse mujhe bahar jaane ka mauka mile.
Isliye maine aage padhne ke liye entrance exam diya aur mujhe ek central university me admission mil gya.
Lekin dikkat ye thi ki abhi tk maine kisi ko kuchh btaya nahi tha. Kyu ki mujhe pta tha wo log mujhe bahar nahi jaane denge.
Fir ek cheez mere saath bahut achhi huii mere law ka result usi samay aaya aur Bhagwan ki kripa se Maine usme 1st rank hasil kiya.
Mai LLB ki gold medalist bn hai aur fir kyaa hi bolu mere ghar me sbka alag hi vyavhar mere saath. Sb itne khush ho rahe the jaise Maine bahut badi maharath hasil ki ho.
Fir kya isi mauke ka fayda maine bhi uthaya Maine bol Diya sbko ki Mera admission ek govrnment college me ho raha hai fees bahut km hai.
Poori family pahle se hi khush thi ye sunte hi sbne bola arre haa haa kyu nahi aaram se karo aage ki padhai.
Fir to kya hi bolu meri khushi ka thikana nahi raha. Maine mauke ka fayda uthate huee turant apna classes shuru kr dii .
Yaha tk mere saath jo kuchh bhi huaa hai wo mujhe kisi chamatkaar se km nahi lg rha tha.
Sb kuchh zindagi me achha hi chal rha tha. Mai bahut khush thi apni mehnat pr.