College ke saath saath zindagi me kaafi chunautiyan bhi aai. College me kaafi aise log milenge jo hmesha aapke andar khamiyan khojte rhenge aur agar aap chahte hai ki aap sabki nazar me achhe bane rhe to yah asambhav hai.
Isliye behtar ye hai ki khud me khush rahna seekhe bahut jaada kisi ki baaton pr gaur nahi karna chahiye . Bss khud ko behtar banaye.
Mujhe bahut saare aise dost mile jo mujhse hi competition rakhte the . Unke man me mere prati hi dwesh bhawana thi. Lekin wo log samne itna achha dikhwa karte the mujhe samajh hi nahi aata tha ye log sach me achhe hai ya bss dikhawa krte hai.
Lekin samay ke saath saath sabki sachai samne aa jaati hai. Isliye maine jo kuchh seekha apni college life se wo yahi tha ki kabhi kisi ke liye apna mansik shanti bhang nahi hona chahiye. Sbse pahle khud ko priority de .
LLB ke dauran mai bahut jaldi nirash ho jaati thi dusro ki baato se . Koi mere baare me kuchh bhi bol deta tha mai usko kuchh kah nahi paati thi . Bss khud ro leti thi .
Lekin dheere dheere mai ekdm se badalne lagi aur mujhe un logo ki baaton se koi fark bhi nahi padta tha.
Mai saare students ko dekhti hu jo bahut emotionally weak hote hai wo starting me khud ko balance nahi kr paate . Wo bahut jaldi hatash ho jaate hai ekdm meri tarah.
Lekin un sabhi ko meri yahi salah hai ye saare log aapki zindagi me bahut km samay ke liye hai aap apne saath hmesha rhne waale hai . Isliye khud ko priority de aur khud ki respect kare. Meri poori guarantee hai ki aap poori zindagi bss khush hi rahenge.