Dosto, ye meri sachi kahani hai jo mai aapse share kar rahi hu. Is kahani me ek ladki ki zindagi ke wo sach chhupe hain, jo aksar log samajh nahi paate.
Ab tak aapne meri padhai, mere sapne aur chedkhani tak ka safar dekha hai…
lekin ab meri kahani ek naye mod par aane wali hai.
Aage aap ek alag si love story dekhoge—jo bilkul alag hogi, jisme,
"Piyush ki entry hogi.'
Kaise hum mile, aur kaisa tha hamara pyaar…
ye sab aage pata chalega.'
Lekin usse pehle, meri zindagi ka ek aisa pal aaya jo aaj bhi mujhe hila deta hai…
Us raat, train me safar karte waqt, ek aadmi ne mujhe galat tareeke se chhua. Mai darr se kaanp uthi thi. Samajh nahi aa raha tha kya karu. Subah hone wali thi, isliye mai uthkar khidki ke paas jaakar baith gayi.
Dil zor-zor se dhadak raha tha.
Jab mera bhai washroom gaya, tab us aadmi ne phir se mujhe chhua… us pal mai puri tarah se ghabra gayi. Na chillane ki himmat thi, na kuch bolne ki. Sirf darr aur bechaini thi. Dimag me ek hi baat chal rahi thi—kya mai papa ko bata du?
Mai sirf 17 saal ki thi… bachpana abhi bhi tha. Dar lag raha tha ki agar bata diya, to kahin kuch aur bura na ho jaye. Lekin fir bhi, himmat karke maine papa ko sab bata diya.
Papa ye sunte hi gusse se bhar gaye. Unhone turant us aadmi se jhagda shuru kar diya. Mera bhai bhi usse maarne laga.
Tabhi us aadmi ke saathi ne achanak chaku nikaal liya… aur sab par hamla kar diya.
Phir wo mere paas aaya… aur mere pet me chaku ghonp diya…
Mai zor se chillai…
Aur tabhi meri aankh khul gayi.
Sab kuch theek tha. Na kisi ko kuch hua tha, na mujhe. Papa mere paas baithe the aur pooch rahe the—"kyu chillai?"
Tab mujhe samajh aaya… wo sab sirf ek darawana sapna tha.
Lekin dosto, wo sapna nahi tha… wo darr tha jo haqeeqat ban chuka tha mere andar.
Mai bahar se theek thi, lekin andar se toot chuki thi. Pure safar me roti rahi aur ghar pahunch gayi.
Do din baad exam tha, lekin padhai me bilkul mann nahi lag raha tha. Har raat wahi darawana sapna mujhe jagaye rakhta.
Jaise-taise exam diya… lekin wo ghatna mere dil me ek gehra ghaav ban chuki thi.
Mai wapas Bombay chali gayi aur kaam shuru kiya, lekin wo darr mera peecha nahi chhod raha tha.
Tabhi result aaya… aur mai fail ho gayi.
Us din mujhe laga sab khatam ho gaya. Sapne, umeedein, sab toot gaye. Mai roti hui apni maa ke paas gayi aur unhe sab sach bataya.
Maa ne kaha—"tumhe pehle batana chahiye tha, kuch nahi hota."
Dosto, yahi meri sabse badi galti thi. Agar maine pehle hi bata diya hota, to shayad wo aadmi aaj jail me hota. Shayad kisi aur ladki ke saath wo aisa na karta.
Isliye mai aapse kehna chahti hu—agar kabhi aapke saath aisa kuch ho, to kabhi chup mat rehna. Darna mat. Aise logon ke khilaf awaaz uthana zaroori hai, warna unki himmat aur badh jaati hai.
Papa ne mujhe samjhaya—
"Beta, zindagi tumari hai. Haar mat maan. Jo hua, use bhagwan ki marzi samajhkar aage badh."
Maine khud ko sambhala aur phir se kaam me lag gayi. Sab kuch dheere-dheere normal ho raha tha, tabhi ek din company walon ne aakar kaha—"kal se company band."
Mujhe samajh nahi aa raha tha, jab bhi mai aage badhne ki koshish karti hu, zindagi mujhe peeche kyu kheench leti hai?
Mai naukri dhundhne lagi, lekin har jagah sirf ek hi jawab milta—"no vacancy." Thak kar mai ek din mandir me baith gayi.
Aankhon me aansu the, dil me dard… aur maine bhagwan se poocha—
"kyu mere saath hi aisa hota hai? Maine kya galti ki hai?"
Mai toot chuki thi. Itni ki maine apne haath me neend ki goliyan le li…
Aur jaise hi mai unhe khane wali thi…
(To be continued…)
Dosto, yahan se meri zindagi badalne wali thi. Ek nayi Kashika ki kahani shuru hone wali thi…
Aapko meri kahani ka ab tak ka safar kaisa laga? Zaroor batana. Ye sirf kahani nahi, meri sachchai hai.