Par baat yahin khatam nahi hui,
kyunki usne us din jo next bola usne sab kuch aur zyada uljha diya. đź’”
Usne dheere se kaha,
"Main janta hoon tum mujhse pyaar karti thi.
Mujhe laga jaise meri saanse ek pal ke liye ruk gayi ho.
Jis baat ko main itne time se apne dil ke sabse chhupe hue kone me sambhal ke rakhi thi.
wo usse pehle se hi pata thi.
Main bas uski taraf dekh rahi thi.
bina kuch bole… bina kuch samjhe.
Dil me sirf ek hi sawal baar-baar ghoom raha tha.
"Jab sab pata tha to kabhi kuch kaha kyun nahi.
Jaise wo mere andar chal rahi har baat padh pa raha ho.
usne dheere se kaha,
"Main chahta tha par main kabhi keh nahi paaya.
Uski awaaz me halka sa regret tha
aur shayad thoda sa darr bhi.
Meri aankhon me aansu bhar aaye the
par maine unhe girne nahi diya.
Main weak nahi dikhna chahti thi kam se kam uske saamne toh nahi.
Maine himmat karke usse poocha,
"To ab kyun bol rahe ho ye sab.
Wo kuch seconds tak chup raha
itna chup ki mujhe apni heartbeat tak sunayi de rahi thi.
Uski nazar neeche thi
jaise wo sahi shabd dhoond raha ho
ya shayad himmat jod raha ho.
Phir usne dheere se kaha
"Kyuki ab bahut der ho chuki hai
Mujhe uski baat samajh nahi aayi.
Der…? Kis baat ki der
Main confuse thi
thodi si ghabraayi hui bhi.
Tab usne apni pocket me haath dala
aur ek chhota sa folded paper nikala.
Wo paper thoda purana lag raha tha
jaise kaafi time se sambhal ke rakha gaya ho.
Usne wo mere haath me rakh diya
aur kaha,
Maine ye bahut pehle likha tha
Mere haath halka-sa kaap rahe the
maine dheere se wo paper khola
Usme likha tha
"Main tumse pyaar karta hoon
par darr lagta hai ki kahin tum door na ho jao…"
Ye padhte hi meri aankhon se aansu nikal gaye.
Itna simple itna sach
aur itna late
Maine uski taraf dekha
jaise pooch rahi hoon
"Jab itna feel karte the to bola kyun nahi
Par usne meri aankhon me dekhne ke bajaye apni nazar hata li.
Usne dheere se kaha
Par ab sab badal chuka hai
Mera dil fir se ghabra gaya
"Matlab kya badal gaya
Wo halka sa muskuraaya
par us muskurahat me pehle jaisi warmth nahi thi.
Ab main wahi insaan nahi raha
jo tab tha
Uski baat sunke ek ajeeb si khamoshi chha gayi.
Jaise hum dono ke beech sab kuch kehne ke baad bhi
kuch bhi baaki na ho.
Maine dheere se poocha
To fir ab ye sab batane ka kya matlab
Wo thoda paas aaya
itna paas ki main uski saanse feel kar sakti thi
Aur dheere se bola,
Kyuki tum sach deserve karti thi
Mere paas ab bolne ke liye kuch bhi nahi tha.
Bas dil me ek hi baat baar-baar aa rahi thi
"Agar ye sab pehle keh diya hota to shayad aaj sab alag hota.
Main waha se jaane lagi.
har kadam ke saath dil aur heavy hota ja raha tha
Lag raha tha jaise main sirf waha se nahi
balki apni feelings se bhi door ja rahi hoon
Tabhi usne peeche se mujhe awaaz di
Ruko
Main ruk gayi
par peeche mudne ki himmat nahi ho rahi thi.
Mera dil itna zor se dhadak raha tha
jaise abhi bahar aa jayega.
Usne fir kaha,
Ek last baat hai
Maine dheere se poocha,
Kya
Kuch seconds tak wo chup raha
aur fir usne jo kaha
usne sab kuch fir se hila diya
"Wo letter maine tumhe dene ke liye nahi likha tha
Maine shock me poocha.
To fir.
Usne dheere se kaha
Wo kisi aur ke liye tha
Meri saanse ek baar fir ruk gayi
👉 Kya sach me wo kisi aur ke liye tha
ya wo kuch chhupa raha hai…? (Part 4)
Aapko kya lagta h wo letter uske liye tha ya kisi or ke liyee aapna jawab comment me bataye