Episode 5 (Final Episode)
Hello doston👋🏻,
Main Payal hoon… aur yeh meri story ka last episode hai.
Advik village chala gaya tha…
aur main usse apni feelings kabhi bata hi nahi paayi.😣
Yeh meri life ka sabse bada regret ban gaya — ki main usse kabhi keh hi nahi paayi.
Uske jaane ke baad… main har roz uski photo dekhti thi,
lekin kabhi baat nahi kar paayi.
Na uske paas mera number tha… na mere paas himmat.
Kabhi kabhi mujhe lagta tha ki main uske type ki ladki nahi hoon…
main ek open-minded, thodi tomboy si ladki thi…
aur shayad usse simple aur sanskari ladkiyan pasand thi.
Phir meri graduation khatam ho gayi…
in 4 saalon mein na main usse mili… na hi kabhi baat hui.
Lekin har raat, har sapne mein woh aata tha…
aur jab bhi main koi love ya sad song sunti thi,
toh usse yaad karke ro deti thi…
shayad woh mujhe kab ka bhool chuka tha ...🫠
Graduation ke baad, hum sab 12th ke friends ne ek trip plan kiya…
aur us trip mein Advik bhi aaya tha.
Jab maine usse dekha… toh sab kuch waise hi feel hua —
haath kaanpna, dil tez dhadakna…
jaise waqt wapas aa gaya ho.
Usne mujhe dekha… aur bas ek simple sa "Hi" bola 🙂
Aur uss ek "Hi" ne mere dil ko sukoon de diya.
Trip ke end mein humne phir se Truth and Dare khela.
Iss baar maine decide kar liya tha… ki main apni feelings bol kar rahungi.
Jab mera turn aaya, maine "truth" choose kiya.
Meri dost ne poocha, "Tu kis se pyaar karti hai?"
Main bolne hi wali thi…
ki tabhi Advik ka phone baja.
Uske phone par naam save tha — "Baby" 😔
Main aur dost shock ho gaye…
sab log poochne lage, "Kaun hai?"
Usne smile karte hue kaha,
"Ye meri girlfriend hai… aur bilkul mere type ki hai."
Uski yeh baat sunkar… mera dil toot gaya.
Main wahan se roti hui chali gayi…
Us din mujhe samajh aa gaya…
ki shayad meri kismat mein yeh nahi tha.
Phir maine khud ko samjhaya —
"Uska pyaar paana zaroori nahi…
usse pyaar karna hi mere liye kaafi hai…"
Ek saal beet gaya…
na uska koi message, na koi contact.
Phir ek din meri dost ka call aaya…
usne kaha,
"2 din mey advik ka marriage usi ladki key saath"💔
Yeh sunte hi main toot gayi…
meri tabiyat kharab ho gayi… BP low ho gaya…🥹
lekin phir bhi maine decide kiya —
main uski shaadi mein jaungi.
Mujhe nahi pata tha ki meri dost ne usse meri feelings bata di thi…
Jab main uski shaadi mein pahunchi…
main usse dekhte hi reh gayi…
woh bahut handsome lag raha tha… aur uski dulhan bhi.
Main saree pehen kar gayi thi… bilkul waise, jaise usse pasand tha.
Maine haste hue usse "Congratulations" bola…
lekin andar se main toot rahi thi.
Tab usne mujhe pakad liya…
aur achanak woh ro pada…
Main bhi khud ko control nahi kar paayi…
aur hum dono ro pade…
Us waqt bas ek hi regret tha —
kaash main pehle bol deti…
toh shayad aaj main uski dulhan hoti… 😭
Main roti hui usse poocha,
"Main sundar or sanskari lag rahi hoon na?"
aur phir dheere se pucha..
"Ek baat batao… us ladki mein aisa kya hai jo mujh mein nahi hai?"
Lekin ab sab kuch der ho chuka tha…
Itna sab kehne ke baad…
mujhe hosh nahi raha… meri tabiyat aur kharab ho gayi.
Likin Advik ka Dulhan usko legaya or main himmat rakha ke Advik ka puri marriage dekha 💔
Phir ...
Main ek mahine tak hospital mein rahi…
Uske baad…
maine country chhod diya.
Maine decide kiya ki main apni life usse yaad karte hue hi jeeyungi…
aur kabhi kisi aur ke baare mein nahi sochungi.
Aaj bhi main single hoon…
aur shayad hamesha rahungi…
Kyuki main usse khona nahi chahti…
chahe woh sirf meri yaadon mein hi kyun na ho uske..
"Advik ki kismat mein shayad main kabhi likhi hi nahi thi…
par meri kismat ka har safha uske naam se shuru hota tha."💔
Yeh thi meri ek tarfa pyaar ki kahani…
Pyaar hamesha milna zaroori nahi hota…
kabhi kabhi pyaar sirf feel karne ke liye hota hai..🥹
Aur haan....
pyaar kisi ko bhi badal sakta hai…
lekin zaroori nahi ki dono ek dusre se pyaar karein…🫠
Thank you so much… meri story padhne ke liye 🙏🏻
THE END 💔