Hello doston👋🏻,
Main Payal hoon. Yeh meri story ka 4th episode hai.
Trip par humne bahut maza kiya.
Hum dance kar rahe the, songs ga rahe the… aur dheere dheere Advik mujhe notice karne laga 🙂
Kabhi kabhi woh meri taraf dekhta tha… aur main bas uss ek nazar ke liye poora din wait karti thi.
Phir humne Truth and Dare khelna start kiya.
Advik ne "truth" choose kiya.
Meri dost Aishwarya ne turant usse pooch liya,
"Tumhe kaunsi ladki pasand hai?"
Main uske saamne hi baithi thi…
mera dil itna tez dhadak raha tha jaise abhi bahar aa jayega.
Mujhe lag raha tha shayad… shayad woh mera naam le lega.
Lekin usne shant se jawab diya,
"Nahi… mujhe koi ladki pasand nahi hai. Main loyal hoon."
Uska yeh jawab sunte hi sab kuch ek second ke liye ruk sa gaya…
main bas usse dekhti reh gayi…
aur andar se mera dil dheere dheere toot gaya đź«
Main hasne ki koshish kar rahi thi…
lekin andar se main ro rahi thi.
Phir dheere dheere 12th ke exams khatam ho gaye.
Aur Advik apne village chala gaya…
kyunki woh sirf padhai ke liye Bhubaneswar aaya tha aur hostel mein rehta tha.
Jab woh hostel se ja raha tha, tab mujhe Aishwarya ne bataya ki woh ja raha hai 🤧
Yeh sunte hi mera dil heavy ho gaya… jaise kuch important cheez mujhse door ja rahi ho.
Us din main apne emotions control nahi kar paayi…
main bahut royi.
Phir last time, jab woh apne doston ke saath ghoom raha tha,
tab main usse mili.
Humne saath mein ice cream khayi…
aur woh ice cream meri taraf se thi.
Main uske saamne khadi thi…
itni saari baatein thi jo main kehna chahti thi…
lekin kuch bhi bol nahi paayi.
Usne mujhe "thank you" bola 🙂
Pehli baar usne mujhe directly kuch kaha tha…
Woh ek simple "thank you" tha…
lekin mere liye woh duniya ka sabse special word ban gaya.
Phir woh chala gaya…
aur main bas usse jaate hue dekhti reh gayi…
Uske jaane ke baad mujhe laga jaise mera ek hissa bhi uske saath chala gaya…🤧
👉🏻To be continued…