Part1- Pehli Baat
Agle din mera computer class ka pehla din tha. Main agle din ki shaam ko time par computer center pahunch gayi.
Dil mein thodi si excitement thi, kyunki aaj mera computer class ka pehla din tha. Room mein kuch students pehle se hi baith kar apna-apna kaam kar rahe the. Main bhi chupchaap ek computer ke saamne ja kar baith gayi.
Maine computer on kiya aur teacher ne jo kaam bataya tha, wo kaam dhyaan se karne lagi. Saath hi apni notebook bhi likh rahi thi, taaki main revise kar sakun. Main poori tarah apne kaam mein busy thi.
Class ka mahaul bahut hi shaant tha. Sirf keyboard ki halki-halki awaaz sunai de rahi thi. Mujhe lag raha tha ki main dheere-dheere naye environment mein adjust ho rahi hoon.
Tabhi achanak mujhe piche se kisi ki awaaz sunai di.
Kisi ne dheere se mera naam liya.
Main thoda sa ghabra gayi aur dheere se piche mudkar dekha — wo wahi ladka tha jo kal center ke ek side ki chair par baitha hua tha. Uske face par ek halki si friendly smile thi.
Usne simple andaaz mein pucha,
"Hello, kaisi ho aap? Sab theek chal raha hai na?"
Main thodi si ghabra gayi aur sharma gayi. Lekin phir maine himmat karke halka sa muskurate hue jawab diya,
"Hi, main badiya hoon. Sab theek hai. Aur aap?"
Lekin wo ladka mera jawab diye bina hi chala gaya.
Aur main usse jaate hue dekh rahi thi.
Us chhoti si baat ne mere dil mein ek ajeeb si khushi de di.
Ye meri us ladke se pehli baat thi. Mujhe laga jaise ek nayi dosti ki shuruaat ho rahi ho.
Us waqt mujhe bilkul andaza nahi tha ki ek simple si baat meri kahani mein ek naya mod laane wali hai.
"Us din mujhe bilkul bhi andaza nahi tha , ki aage kya hone wala hai. "Us waqt mujhe thoda sa nervous feel ho raha tha, lekin uski simple si smile dekh kar dil mein ek ajeeb si shanti bhi mehsoos ho rahi thi.
Class ka mahaul us din kaafi achha aur khushnuma tha. Sab students apne test ki taiyari mein busy the.
Main bhi apna dhyaan computer screen par lagane ki koshish kar rahi thi, lekin beech-beech mein meri nazar uski taraf chali jaati thi.
Us din meri usse ek chhoti si baat hui, lekin mere dil mein ek nayi feeling jag gayi.
Mujhe bilkul andaza nahi tha ki ye chhoti si mulaqat meri zindagi ki kahani ka ek important hissa banne wali hai.