Agla din…
Riya aur Aman ke beech baat to ho gayi thi…
par dil ke andar jo feelings thi, wo itni aasaani se khatam nahi hui thi।
Class me sab normal lag raha tha…
par sirf bahar se।
Aman ab bhi Riya ke saath hasta tha…
par uski aankhon me wo pehle wali chamak nahi thi।
Kabir ne yeh sab notice kiya।
Ek din usne Aman ko roka—
"Tu theek hai?"
Aman ne halka sa smile diya—
"Haan yaar, bilkul।"
Kabir ne seedha uski aankhon me dekha—
"Jhoot bol raha hai tu।"
Aman kuch seconds ke liye chup ho gaya…
phir dheere se bola—
"Bas… aadat dal raha hoon।"
"Uske bina nahi…
usko us tarah na dekhne ki aadat।"
Kabir kuch nahi bola…
bas uske shoulder par haath rakh diya।
Dusri taraf Riya…
Wo bhi strong banne ki koshish kar rahi thi।
Par jab bhi Aman thoda distance maintain karta…
use ajeeb sa feel hota।
"Yeh wahi Aman hai…
par phir bhi kuch alag kyun lag raha hai?"
wo aksar sochti।
Ek din…
School ke baad baarish ho rahi thi।
Riya akeli khadi thi…
aur Aman thoda door।
Pehle jaise wo uske paas aata…
par is baar wo wahi ruk gaya।
Riya ne usse dekha…
aur us moment me usse samajh aa gaya—
Aman sach me move on karne ki koshish kar raha hai।
Aur pata nahi kyun…
yeh baat uske dil ko chubh gayi।