Do mahine beet chuke the…
Zindagi aage badh rahi thi..kam se kam duniya ke liye.
Par Aarohi ke liye waqt wahi ruk gaya tha…
Us din… us ICU ke bahar.
Uske room ki deewarein ab bhi waise hi thi…
Par sab kuch alag lag raha tha.
Har cheez me Kabir ki yaad basi hui thi.
Phone ka wallpaper…
Wo playlist…
Wo hoodie jo Kabir ne usse di thi…
Aarohi ne use kabhi wash bhi nahi kiya.
"Smell chali jayegi…" wo khud se kehti thi.
Aaj bhi wo wahi hoodie pehne bed par baithi thi.
Usne apna phone uthaya…
Aur bina soche Kabir ka chat open kar liya.
Ab ye uski aadat ban chuki thi.
Roz ek baar wo chat open karti…
Kuch likhti…
Phir send kar deti.
Aaj bhi usne type kiya
Aarohi: "Aaj maine coffee pi… bina tumhare taste ke bakwaas thi."
Send.
Single tick.
Usne halki si smile ki.
"Tum haste na abhi…" usne dheere se kaha.
Usse lagta tha Kabir kahin na kahin usse dekh raha hai.
Shayad pagalpan tha…
Par yehi uska sahara tha.
College bhi wapas start ho gaya tha.
Friends normal behave kar rahe the…
Jaise kuch hua hi nahi.
Par Aarohi ke liye sab fake lag raha tha.
Ek din uski best friend Neha uske paas aayi
"Aarohi… tu theek hai na?" usne gently pucha.
Aarohi ne bas sir hila diya.
"Main theek hoon."
Par uski aankhen jhooth bol rahi thi.
Neha ne uska haath pakda
"Tu usse miss karti hai na?"
Aarohi ne aankhen band kar li.
Aansu phir aa gaye.
"Har second…" usne dheere se kaha.
Neha ne use hug kiya.
"Time lagega… par tu theek ho jayegi."
Aarohi ne halki si smile di.
Par wo jaanti thi…
Kuch cheezein kabhi theek nahi hoti.
Sirf aadat pad jaati hai.
Us din Aarohi ek jagah gayi…
Jahan wo kabhi wapas nahi jana chahti thi.
City Hospital.
Wahi ICU…
Wahi corridor…
Wahi bench.
Sab kuch waisa hi tha.
Usne dheere se us bench par baith gayi.
"Yaad hai… yaha kitna royi thi main…" wo halki si hansi ke saath boli.
Usne aankhen band ki.
Aur usse wo raat yaad aayi
Kabir ka haath…
Uski awaaz…
"Tu aa gayi…"
Aarohi ke aansu phir girne lage.
"Main aa gayi thi Kabir… par late…" usne dheere se kaha.
Usne apna phone nikala.
Aur message type kiya
Aarohi: "Aaj main wahi jagah aayi hoon… jahan tumne mujhe last time dekha tha."
Send.
Single tick.
"Tum hote to bolte.. 'pagal hai tu'…" wo muskurayi.
Kuch din baad…
Aarohi ne ek decision liya.
Wo apni life ko wahi rok nahi sakti thi.
Kabir ne bhi to yehi chaha tha
"Tu khush rahe…"
Usne apna phone uthaya.
Aur Kabir ka chat open kiya.
Aaj usne kuch alag likha
Aarohi: "Aaj se main try karungi… thoda sa normal hone ka."
Aarohi: "Tumhare bina mushkil hai… par main try karungi."
Aarohi: "Tum khush rehna jahan bhi ho…"
Send.
Single tick.
Aarohi ne deep breath li.
Aur phone side me rakh diya.
Ek saal baad…
Aarohi same cafe me baithi thi.
Wahi corner table.
Par aaj wo akeli nahi thi.
Uske saamne uska laptop tha.
Aur wo kuch likh rahi thi.
Title tha
"Last Seen 5:42 PM 💔"
Usne halki si smile ki.
"Tumhari story likh rahi hoon…" usne dheere se kaha.
"Taaki koi aur Aarohi… meri jaisi galti na kare."
Usne last line type ki
"Kuch log zindagi me late samajh aate hain… par tab tak wo ja chuke hote hain."
Usne laptop band kiya.
Aur aasman ki taraf dekha.
"Dekha… maine finally baat maan li tumhari…" wo muskurayi.
Halka sa hawa ka jhonka aaya…
Jaise kisi ne uske baal halka sa chhua ho.
Aarohi ne aankhen band ki.
"Miss you…" usne dheere se kaha.
Kabir chala gaya tha…
Par uska pyaar nahi gaya.
Wo har message me tha…
Har yaad me…
Har regret me…
Aur har us pal me…
Jahan Aarohi thodi si muskurane ki koshish karti thi.
Kabhi-kabhi… pyaar complete nahi hota.
Par iska matlab ye nahi hota ki wo kam tha.
💔
THE END..!?