Aarohi ICU ke bahar chup-chaap baithi thi…
Aankhen ro-ro kar laal ho chuki thi.
Har second usse ek saal jaisa lag raha tha.
Tabhi ek aadmi dheere se uske paas aaya..
"Tum… Aarohi ho?" usne pucha.
Aarohi ne upar dekha.
"Ji… aap?" usne confuse hoke kaha.
"Main Kabir ka bhai hoon…" usne dheere se jawab diya.
Aarohi ka dil aur tez dhadakne laga.
"Wo… wo theek hai na? Please bataiye…" uski awaaz kaanp rahi thi.
Kabir ke bhai ne kuch seconds ke liye chup rehkar usse dekha…
Jaise wo decide kar raha ho sach bataye ya nahi.
Phir usne gehri saans li..
"Kal raat… Kabir tumse milne aa raha tha…"
Aarohi ki aankhen phat gayi.
"Milne… mujhse?" usne dheere se kaha.
"Ha… usne bola tha ki wo sab clear karna chahta hai… last time."
Aarohi ke haath thande pad gaye.
"Last time…?" usne repeat kiya.
"Usse lag raha tha ki wo tumhe lose kar raha hai… aur wo sab theek karna chahta tha."
Aarohi ke aankhon se aansu behne lage.
Usse yaad aaya..
👉 Kabir ke calls
👉 Uske messages
👉 "Please ek baar baat kar le…"
Aur usne…
👉 Sab ignore kar diya
👉 Use block kar diya
"Ye… sab meri wajah se hua…" Aarohi ne apna face haathon me chhupa liya.
Kabir ke bhai ne dheere se kaha..
"Accident us waqt hua… jab wo tumse baat karne ki koshish kar raha tha…"
Aarohi ka dil toot gaya.
Wo zor-zor se ro padi.
"Ek baar… bas ek baar baat kar leti…" wo baar-baar bol rahi thi.
Tabhi doctor ICU se bahar aaye..
Unka face serious tha.
Aarohi turant khadi ho gayi.
"Doctor… Kabir kaisa hai?" usne umeed bhari nazar se pucha.
Doctor ne dheere se kaha..
"Condition abhi bhi critical hai… next 24 hours bohot important hain."
Aarohi ke liye har shabd ek shock jaisa tha.
Usne ICU ki taraf dekha…
Aur dheere se kaha..
"Please Kabir… ek baar aankhen khol do…"
"Kya Kabir Aarohi ke liye wapas aayega… ya ye unki last story ban jayegi?"
To be continued…