Cricket tournament ke baad life fir se studies par aa gayi thi.
Main comeback mindset ke saath padh raha tha, lekin andar kahi na kahi test ka pressure badhta ja raha tha.
Ek hafte ki preparation ke baad finally Physics unit test ka din aa gaya.
Subah school pahuchte hi sabke faces par tension clearly visible thi.
Koi formulas revise kar raha tha, koi numericals dekh raha tha.
Ranveer ne mujhe dekhkar bola,
"Bhai bas panic mat karna, first over sambhal lena 😎🏏"
Main bas halki si smile de paya.
Andar se heartbeat already fast thi.
📝 Test Day
Class teacher answer sheets lekar aayi.
"Physics Unit Test"
Paper mere desk par aate hi maine usse ulta se seedha kiya…
Aur first question dekhte hi mere hosh ud gaye.
Ye wahi chapter tha jo maine revise toh kiya tha,
lekin question ka pattern bilkul alag tha.
Ek second ke liye dimaag poora blank ho gaya.
Mujhe kuch samajh hi nahi aa raha tha.
Sirf paper ko dekh raha tha.
Words samajh aa rahe the…
Lekin answer yaad hi nahi aa raha tha.
Peeche se pages palatne ki awaaz aa rahi thi.
Kuch students likhna start bhi kar chuke the.
Aur main?
Main abhi bhi first question par hi atka hua tha.
Us moment pe lag raha tha jaise pura classroom ghoom raha ho.
Maine pen uthaya aur kuch basic points likhne ki koshish ki.
Fir ek simple numerical attempt kiya.
Lekin formula hi galat laga diya.
Question solve hote hote ulta aur confusing ho gaya.
Time dheere dheere nikal raha tha.
Bell ka aadha time ho chuka tha aur mere paper ka aadha bhi complete nahi hua tha.
Ye dekhkar panic aur badh gaya.
Maine jo yaad aaya wahi likhna start kar diya.
Kuch definitions, kuch half steps, kuch rough formulas…
Sab mix ho gaya.
Last ke 10 minutes me maine 2 questions aur attempt kiye,
but andar se mujhe already feel ho gaya tha—
"Ye paper acha nahi gaya."
Bell baji.
Sir answer sheets collect karne lage.
Paper dete waqt mere haath heavy lag rahe the.
Class se bahar nikalte hi sab apne answers discuss karne lage.
Kisi ka 5 marker perfect tha.
Kisi ne numerical pura solve kiya tha.
Main bas chup tha.
Ranveer ne poocha,
"Kaisa gaya?"
Maine dheere se bola,
"Bhai lagta hai first subject me fail ho jaunga…"
Wo ek second silent raha, fir bola,
"Paper kharab jana aur fail hona same nahi hota."
Uski baat thodi sahi thi, lekin mera confidence already down ho chuka tha.
🌙 Ghar Ka Pressure
Ghar aake mummy ne poocha,
"Paper kaisa gaya?"
Maine bas itna bola,
"Theek tha…"
Lekin andar se pata tha ki theek bilkul nahi tha.
Room me aake maine bag side me rakha aur bed par let gaya.
Paper ke first question ka blank moment baar baar yaad aa raha tha.
Wahi moment mujhe sabse zyada dara raha tha.
"Agar Physics me fail ho gaya toh?"
Ye thought dimaag me repeat hota raha.
Us raat mujhe neend bhi der se aayi.
Aur iss baar darr marks ka nahi…
first failure ka tha. 😰📄