Hawa tez chal rahi thi।
Bridge ke upar andhera aur gehra ho chuka tha…
Anmol aur Player 07 ek dusre ke saamne khade the।
System ka message abhi bhi goonj raha tha—
"Fight… or Die."
Anmol ne apni mutthi kas li।
"Ye mazaak nahi hai…"
Uski saanse tez ho rahi thi…
dil zor se dhadak raha tha।
Dusri taraf—
Player 07 bilkul shaant tha।
Jaise ye sab uske liye normal ho।
"Ready ho?" usne halki si smile ke saath poocha।
Anmol ne kuch nahi kaha।
Lekin uski aankhon me darr ki jagah ab sirf determination tha।
"Main haar nahi manunga…"
Agle hi pal—
Player 07 lightning speed se aage badha।
Anmol react bhi nahi kar paya—
Dhadd!
Ek zor ka punch seedha uske kandhe par laga।
Anmol ladkhadaya… girte girte bacha।
"Ahh…!"
Dard uske poore sharir me fail gaya।
"Ye itna fast kaise hai…?"
Player 07 ruk kar muskuraaya—
"Bas itna hi?"
Gussa Anmol ke andar bhadak utha।
"Ab meri baari…"
Woh aage badha— punch maara—
Lekin—
Player 07 ne uska haath beech me hi pakad liya।
Usne zor se dhakka diya।
Anmol zameen par ja gira।
Uski saans rukne lagi।
Ek pal ke liye—
"Main nahi jeet paunga…"
ye khayal uske dimaag me aaya।
Tabhi—
"Emergency Support Activated"
Ek blue screen uske saamne flash hui—
Skill Available: Strength Boost (Temporary)
Activate?
Anmol ne bina soche chillaya—
"Activate!"
Agle hi pal—
Ek tez energy uske sharir me daud gayi।
Uski muscles tight ho gayi…
dard dheere dheere gayab hone laga…
"Ye… kya power hai…"
Woh dheere se khada hua।
Ab uski aankhon me darr nahi—
confidence tha।
Player 07 ne dhyaan se dekha—
"Hm… system support…"
Anmol seedha uski taraf badha—
"Ab dekh…"
Is baar—
uski speed badh chuki thi।
Dhadd!
Punch seedha Player 07 ke guard se takraya—
Aur—
Player 07 ek kadam peeche hat gaya।
Pehli baar uske chehre par surprise tha।
"Not bad…"
Anmol ne rukna mana kar diya।
Punch… kick… continuous attack…
Har move me power aur control badh raha tha।
Player 07 ab sirf defend kar raha tha।
"Lagta hai tum seekh rahe ho…"
Lekin—
uski aankhon me ek nayi chamak aayi।
"Ab meri asli speed dekh…"
Agle hi pal—
Woh gayab ho gaya।
Anmol shock—
"Ka—"
Peeche se ek heavy strike laga।
Anmol seedha aage gir gaya।
"Ahhh!"
Uski cheekh nikal gayi।
"Ye… itna fast…?"
Woh uthne ki koshish kar raha tha…
Lekin—
Player 07 uske saamne khada Tha.
Usne haath uthaya।
Anmol ki saanse tez ho gayi।
Kya yahi end hai…?"r
Tabhi—
"Hidden Condition Met"
Screen flash hui—
New Skill Unlocked: Reflex Mode
Achanak—
Time slow ho gaya।
Player 07 ka attack dheere-dheere Anmol ki taraf aa raha tha।
Anmol ne pehli baar clearly sab kuch dekha।
"Main… ise dodge kar sakta hoon…"
Usne apna sharir side me move kiya—
Attack miss!
Player 07 ki aankhen fail gayi—
"Impossible…"
Anmol turant khada hua।
Ab uski movements smooth thi…
fast… precise…
"Ab meri baari…"
Dhadd!
Ek perfect punch—
Player 07 peeche hil gaya।
Pehli baar—
uska chehra serious ho gaya।
"Tum… itni jaldi improve kaise ho rahe ho…?"
Anmol ne dheere se kaha—
"Kyuki mere paas haarne ka option nahi hai…"
Dono phir se stance me aa gaye।
Hawa aur tez…
Bridge hilta hua…
Raat aur gehri…
Tabhi—
Screen flash hui—
"FINAL PHASE STARTED"
Anmol ka dil phir se tez dhadakne laga।
"Ab kya hone wala hai…?"
Final Phase me system kya karega?
Kya Player 07 apni real power dikhayega?
Ya Anmol is fight ko palat dega?